Microsoft өөрсдийн олон нийтийн сүлжээ цахим хуудсаа нээлээ

Microsoft-ынхон өөрсдийн so.cl гэсэн олон нийтийн сүлжээ цахим хуудсаа албан ёсоор нээлээ.

Вэбсайтын загвар нь хэрэглэгч өөрийн хайж олсон сонирхолтой үр дүнгүүдээ бусадтай хуваалцах, санал сэтгэгдэлээ солилцох гэх мэт боломжуудтай. Цахим сүлжээний гол бай нь оюутнууд, АНУ-ын их сургуулиуд болон ахлах сургуулууд гэж тодорхойлсон байна.


Алдарт facebook гэхэд анх эхлэж байхдаа гол байгаа нэр хүндтэй их сургуулиудруу хандуулж байсанг санаж байгаа байхаа.

Сонирхолтой нь уг сүлжээнд олон нийтийн сүлжээний хамгийн том өрсөлдөгч болох facebook хаягаараа холбогдож болох боломжтой байна. Энэ талаараа дурдахдаа туршилтын хугацаагаар facebook хаягаар холбогдох боломжийг оруулсан байгаа гэжээ. Мэдээж хэрэг ихэнх интернет хэрэглэгчид facebook хэрэглэдэг болсон өнөө үед түүнийг ашиглаж хэрэглэгч татах гэсэн орлого гэдэг нь ойлгомжтой.

So.cl дээр хийж байгаа хайлтыг мэдээж хэрэг bing.com-ээр нь хийх нь гарцаагүй. Хэдийм тийм боловч та мөн google дээр хийсэн хайлтаа бусадтай хуваалцаж болох ажээ.

Мөн Microsoft-ын хэлж байгаагаар энэ олон нийтийн сүлжээ хүмүүсийг боловсрол, туршлага олж авахад нь чиглэсэн шинэ төсөл болж байгаа гэжээ.

Microsoft-ын Bing хайлтын систем Facebook-ээс зөвөлгөө авна

Microsoft-ын Bing хайлтын систем Facebook болон бусад төрлийн олон нийтийн сүлжээрүү холбогдон зөвөлгөө авах боломжийг бүрдүүлэх шинэ өөрчлөлтийг оруулсан байна.

Энэ өөрчлөлт нь хайлтын системийн зүүн талд шинэ хэсэг (sidebar) нэмэгдсэн байна. Энд тухайн хайлтыг хийж буй хүн өөрийн ашигладаг олон нийтийн сүлжээн дэх найз нөхдөөсөө зөвөлгөө авах боломжоор хангаж өгсөн байна.

Байгууллагын хэлж байгаагаар хүмүүсийн 90% нь ямар нэгэн шийдвэр гаргахаасаа өмнө найз нөхдөөсөө зөвөлгөө авдаг гэсэн байна. Тэгэхлээр хайлтад нэмэгдэж байгаа энэхүү шинэчлэл хүмүүст таалагдана гэж найдаж байгаа гэнэ.

Bing-ээр хайлт хийхэд тухайн түлхүүр үгийг хэн илүү мэдэх магадлалтай байгааг facebook-ын найзуудынх нь мэдээлэл, зураг болон аливаа мэдээлэлд хийсэн like зэргээс нь шинжилж хайлтийг хийгчдэд найзыг нь мөн санал болгох зарчимаар ажиллах юм байна.

АНУ-ын хайлтын үр дүнгийн 15% нь  Bing хайлтын системээр дамждаг бол 66% нь Google-р  хийгддэг гэсэн судалгаа гарсан байдаг байна.

iPhone 5 гарах тов зарлагдлаа

Өнгөрсөн онд iPhone 5 гарна гэсэн дам яриа хүчтэй өрнөж байсан. Харамсалтай нь тухайн үед Stive Jobs маань хорвоогийн мөнх бусыг үзүүлж хүмүүсийн хүсэн хүлээж байсан зүйл талаар боллоо гэсэн бодлыг бий болгосон. Хэдийгээр Apple-ын амин сүнс үгүй болсон ч компани хүмүүсийн энэ их хүлээлтийг ашиглан iphone-ны шинэ хувилбараа гаргахаар болсон ч хүмүүсийн төсөөлсөн шиг бүтээгдэхүүн гаргаж чадаагүй юм. iPhone 4 S :P

Саяхан энэ жилийн 10 сард iphone 5 хувилбараа гаргахаар зарлаад байна. Үүний хажуугаар хялбаршуулсан iPhone4 гэсэн хувилбар ч мөн гарах юм. Энэ хувилбар нь iPhone 4 дээр гаргасан нүүрний сайжруулсан шилийг хямд пластикаар орлуулж зарим эд анги, програм хангамжийг хэмнэж үнэ хямд байлгах зорилгоор хийгдэж байгаа гэж тайлбарлаж болно.

Зарим нэг эх сурвалжийн мэдээллэж байгаагаар дараагийн iphone -д шинэ төрлийн мэдрэгч дэлгэц бүхий технологи нэвтрүүлнэ гэж мэдэгдээд байна. Энэ технологи дээр японы хоёр ч компани хамтран ажиллаж байгаа сурагтай. Мөн хурдны хувьд 4G стандарттай, өндөр хурддтай байх аж.

Харин үнийн хувьд хямд байж чадахгүй болов уу. Учир нь Apple-ын ихэнх бүтээгдэхүүнийг өмнөд хөршид маань хямд ажиллах хүчээр бүтээдэг бөгөөд саяхан энэ талаар олон улсын байгууллагууд болон хятадын иргэд хүчтэй эсэргүүцэл илэрхийлэх болсон. Ядаад л ажилчидынхаа энэ эсэргүүцлийг дарахын тулд цалинг нь нэмэгдэл өртөг бүтээгдэхүүнд шингэх нь лавтай.

Ямартай ч iPhone 5 хурдан гараасай гэсэн хүмүүс цөөнгүй байна. iPhone 4 сайхан хямдрана :)

Instagram-ыг Facebook 1 тэрбум ам.доллараар өөрийн болголоо

Гар утсаар авсан зургаа өөрт таалагдсан өнгөний хувиралд оруулаад олон нийтийн сүлжээгээр хялбархан тархаах боломжийг олгодог Instagram гэх гар утсаны аппликешин 2010 онд анхны хувилбараа iphone, ipod-д зориулан гаргаж байсан байна. Ухаалаг гар утасны үйлдлийн систем android-руу шуурч эхлэх үед ч эрчимтэй хөгжүүлэлтийг хийж байсан тэд саяхан л дөнгөж android-д зориулсан instagram-ын хувилбараа гаргаж байна.

Instagram бүтээгдээд жилийн дотор 10 сая хэрэглэгчтэй болж хэрэглэгчдийн тоо эрчимтэй өсөж ирсэн бөгөөд өнөөдрийн байдлаар 30 сая илүү хэрэглэгчтэй гэсэн тоо гарсан байна. Харин Instagram-ийг хөгжүүлэгч компань жилийн өмнө 100$ сая ам.доллараар, энэ оны эхээр 300$ сая ам.доллараар, 4 сарын эхээр 500$ сая ам.доллараар үнэлэгдэж байсан бол 4-р сарын 9 өдөр олон нийтийн цахим сүлжээний магнат facebook-д 1$ тэрбум ам.доллараар үнэлэгдсэн байна.

Сонирхолтой нь Instagram-ын хэрэглэгчид үүнд маш дурамжхан хандаж байгаа гэнэ. 

"Миний гоё instagram-ыг facebook аваад хачин юм болгоно" гэх мэтээр эсэргүүцэж байгаа юм байна. Харин Facebook-ын зүгээс Instagram-ийн одоо байгаа боломжуудыг хэвээр үлдээж, илүү сайжруулан амжилтанд хүргэнэ гэж амлаад байгаа юм.

Blogger дээр SEO тохиргоотой боллоо

Blogger дээр блогтой хүмүүсийн хувьд SEO буюу хайлтын системийн тохиромжийг өөрсдийн хүссэнээр тохируулах боломжгүй байсан. Энэ нь ч blogger-н гол дутагдал байлаа. Тэгвэл энэ одоо үгүй болж та өөрийн блогийнхоо хайлтын үр дүнд үзүүлэх хувиралаа та өөрөө тодорхойлж болохоор боллоо.

Таны блогийн settings хэсэгт search preferences гэсэн тохиргооны хэсэг нэмэгдсэн бөгөөд дараах боломжууд бий болжээ. Боломжуудыг товч сийрүүлвэл.

Meta tag Description

Хайлтын системүүд сайтын хамгийн түрүүнд шалгаж үздэг хэсэг бөгөөд тухайн сайт ямар төрлийн мэдээлэлтэйг тодорхойлж өгнө. Нэг үгээр хаалган дээрх хаяг гэж ойлгож болно.

Custom Page Not Found

Та блогийнхоо хуучин бичлэгийг устгасан тохиолдолд тухайн хуудас байхгүй болно. Гэтэл хэн нэгэн хүн тухайн хуудсыг хаа нэг газар share-лэсэн байгаад нэгэн этгээд уг хуудсаар дамжиж ороход тухайн хуудас байхгүй байна гэсэнг мэдэгдэх хуудсыг та гоёоор хийж болно.

Custom Redirects

Хуудас шилжүүлэг. Дээрх тохиолдолд арай өөр хуудасруу зочингоо шилжүүлж болно. Ийм үед энэ боломжийг ашиглах боломжтой юм.

Custom robots.txt

Тухайн сайтын аль хэсэгрүү хайлт хийх боломжтой болон боломжгүйг тодохойлж өгдөг маш чухал хэсэг. Гэвч та үүнийг болгоомжтой хийх хэрэгтэй. Та өөрийн хувийн чанартай бичлэгтэй хэсэгрүү хайлт хийлгэхгүй байлгахыг хүсвэл үүнийг бас ашиглаж болно.

Custom robots header tags

Дээрх мэдээллийг шууд тодорхойлсон тагуудаар үүсгэхийг хүсвэл энэ боломжийг мөн ашиглаж болно.

Custom and easy to add Alt and Title tags for Images

Энэ хэсэг албан ёсоор ороогүй байна. Гэхдээ удахгүй орох байх. Таны бичлэгтээ оруулж байгаа зургийг хайлтаар гарч ирэх боломжийг нэмэгдүүлэхэд энэ боломж ашиглагдана. Зурагт Alt болон Title тагийг автоматаар оруулж өгнө.

  

Миний эргэн тойронд гарч буй махны тухай яриа

Улс төрд ярьж байна.
Хэн ч гэдэг юм нэг сайд нь. Бодвол хоол хүнстэй нь холбоотой нөхөр.
- Өнгөрсөн оноос мал 10 саяаар өссөн. 40 сая малтай боллоо. Харин махлачихаар насан хүрсэн мал байхгүй байна.

Ажил дээр ярьж байна.
- Мах үнэд ороод хэрэг алгаа.
- Монголчууд арчаагүй юмаа. Энэ 76-г буудчихгүй юм байхдаа.

Интернетэд ярьж байна.
- Эрдэмтэд мах шиг мах орлуулагч гаргаж авлаа.
- Идэж үзэхиймсан.

Гэрт ярьж байна.
- Мах хэд гэж байна. Заза 2-уулаа тахианы мах авч байх уу.
- Тэр чинь хариугүй шдээ.